Top Advert

مسلم لیگ کا پلڑا الیکشن سے قبل ہی بھاری نظر آنے لگا،مخالفین کی نیندیں حرام

No Photo

چکوال (سواں نیوز ) مسلم لیگ ن کے میجر طاہر اقبال اور حیدر سلطان کی جارحانہ حکمت عملی،مسلم لیگ کا پلڑا الیکشن سے قبل ہی بھاری نظر آنے لگا،مخالفین کی نیندیں حرام،شہر شہر گاوؤں گاؤں میاں نواز شریف کے نعرے لگ گئے،تفصیلات کے مطابق جوں جوں الیکشن کی تاریخ قریب آ رہی ہے الیکشن کی سرگرمیوں میں تیزی آنا شروع ہو گئی ہے،مسلم لیگ نواز کے امیدوار برائے صوبائی اسمبلی چوہدری حیدر سلطان،ملک تنویر اسلم سیتھی،کرنل مشتاق اور ملک شہر یار اعوان جبکہ ایم این اے کے امیدوارو ں میجر طاہر اقبال اور سردار فیض ٹمن کی جارحانہ حکمت عملی نے ان کے مخالف جماعت اور اس کے امیدواروں کو دفاعی پوزیشن پر لا کھڑا کیا،ہر گزرتے دن کے ساتھ شہر اور گردونواح کے علاوہ ضلع بھر میں پاکستان مسلم لیگ ن کی پوزیشن بہتر ہو رہی ہے،میاں نواز شریف کی نااہلی کے بعد ایک وقت یوں محسوس ہو رہا تھا کہ ضلع چکوال جسے ن لیگ کا گڑھ کہا جاتاہے اب کی بار ن لیگ کے ہاتھ سے نکل جائے گا مگر ہر گذرتے دن کے ساتھ اور ن لیگ کے امیدواروں کی بپتر انتخابی حکمت عملی کی وجہ سے دن بدن ن لیگ کے حالات بہتر ہو نا شروع ہو گئے ہیں،اس سلسلے میں ایم این اے کے امید وار میجر طاہر اقبال نے کہا کہ لوگ اب بہت سمجھدار ہو چکے ہیں اور جو کچھ ملک یں ہو رہا ہے اس پر گہری نظر رکھے ہوئے ہیں انہوں نے کہا کہ احتساب کے نام پر ون وے ٹریفک چلائی جا رہی ہے مگر مہربان بھول رہے ہیں کہ یہ سارا کچھ ن لیگ کو اوپر ہی اوپر لے جا رہا ہے آج ہمارے ووٹرز کا مورال آسمان کی بلندیوں کو چھو رہا ہے اور آنیوالا وقت ن لیگ کا ہے ،ہم اپنے قائد کے ہر حکم پر لبیک کہیں گے،کوئی غلط فہی میں نہ رہے یہ ضلع کلبھی ن لیگ کا گڑھ تھا آج بھی ہے اور آئندہ بھی یہاں سے ن لیگ ہی کامیاب ہو گی۔

ٹیگز :

Advert